બત્તી કરુને
Feb 02
ગઝલ Comments Off on બત્તી કરુને
અરવિંદ ભટ્ટ
બત્તી કરુને જેમ થતો અંધકાર ગુમ
ક્યાં એમ થઈ છે તમારો વિચાર ગુમ
ને બર્ફ જેમ ઓગળી શકાય પણ નહીં
મારામાં કોઈ થઈ ગયું છે આરપાર ગુમ
ઘર ભુલભુલામણી છે પુરાતન મહેલની
અંદર પ્રવેશ આપીને થઈ. જાય. દ્વાર ગુમ.
પાદરનાં પથ્થરોને હજુ પણ પૂછ્યા કરું
કે ક્યાં થઈ ગયો છે એ ઘોડેસવાર ગુમ
દેખાય જો મને તો સલામત રહે નહીં
તેથી જ થઈ ગયો છે આ પરવરદિગાર ગુમ.
-અરવિંદ ભટ્ટ
સ્વર : ભરત પટેલ
સ્વરાંકન : ભરત પટેલ