Gandhi Katha
Mar 18
ગઝલ Comments Off on Gandhi Katha
જય જય ગરવી ગુજરાત
Mar 18
ગઝલ Comments Off on કે આભમાં તોરણ બંધાણાં ત્રિલોકનાં
કે આભમાં તોરણ બંધાણાં ત્રિલોકનાં રે .mp3
કે આભમાં તોરણ બંધાણાં ત્રિલોકનાં રે
તારલીઓ ટોળે વળી નભચોક!
કે આભમાં તોરણ બંધાણાં ત્રિલોકનાં રે
કે ચંદનીએ વેરેલ તેજનાં ફૂલડાં રે
કે ફૂલડાંની ફોરમ ઝીલે નરલોક:
કે આભમાં તોરણ બંધાણાં ત્રિલોકનાં રે
કે વ્હાલમની વિલસે વ્હાલપની આંખડી રે
કે એહવું વિલસે ચન્દ્ર કેરું નેણ:
કે આભમાં તોરણ બંધાણાં ત્રિલોકનાં રે
કે કિરણે કિરણે અમૃત દેવનાં રે
કે એહ જળે હું ય ભરું હૈયાહેલ;
કે આભમાં તોરણ બંધાણાં ત્રિલોકનાં રે’
-કવિ ન્હાનાલાલ
સ્વર: ગાર્ગી વોરા અને હિમાલી વ્યાસ નાયક
સ્વારાંકન:અમર ભટ્ટ
Mar 15
ગઝલ Comments Off on તારો વિચાર બારીના પડદે ઝૂલી ગયો
તારો વિચાર બારીના પડદે ઝૂલી ગયો.mp3
તારો વિચાર બારીના પડદે ઝૂલી ગયો,
દૃશ્યોનો ભેદ એ પછી દરિયે ડૂબી ગયો.
બે ડાળી વચ્ચે જાણે કે તડકો ગુલાબ છે,
મોસમનો રંગ કેટલો મીઠ્ઠો બની ગયો !
પથ્થરની જેમ હાંફતા પીળા શહેરમાં,
મારા સમયના મોરનો ટહુકો તૂટી ગયો.
આકાશ આમતેમ વીખરાઈ જાય પણ,
એકાદ સૂર્ય ઊગવું આજે ભૂલી ગયો.
એકાંતનો પરિચય કૈં એ રીતે થયો,
સૂનકાર તારી યાદની જેમ જ ઊગી ગયો !
– શ્યામ સાધુ
સ્વર : કલ્પક ગાંધી
સ્વરાંકન : કલ્પક ગાંધી
સૌજન્ય : પિયુષ દવે , જુનાગઢ
Mar 11
ગઝલ Comments Off on ઢોલ નગારે લોકો ત્રૂઠા
ઢોલ નગારે લોકો ત્રૂઠા,
જલતરંગના ભાયગ રૂઠાં.
સંતુલન આબાદ સાચવ્યું
કાચાં કાવ્યો, પાકાં પૂઠાં!
આંગળીઓ, એનું એ લખશો ?
પકડાવું તમને અંગૂઠા ?
વનપ્રવેશ કરવો શી રીતે ?
પાંચ બાણ ને પાંચે બૂઠાં.
મંદિરો ? કે બાળમંદિરો ?
ગજવે ઘંટ, ભણાવે ઉઠાં !
-ઉદયન ઠક્કર
______________
ત્રૂઠવું= પ્રસન્ન થવું, રીઝવું
Mar 09
ગઝલ Comments Off on મેં હજી મત્લા કર્યો છે
મેં હજી મત્લા કર્યો છે, ક્યાં ગઝલ આખી કહી છે?
તોય ડૂમો કરગર્યો છે, ક્યાં ગઝલ આખી કહી છે?
વાત જે ના થઈ શકી એનો નશો મિસરો બનીને,
ધીરે ધીરે વિસ્તર્યો છે, ક્યાં ગઝલ આખી કહી છે?
સાંજની ભીની હવા પરના રદીફનો હાથ ઝાલી,
કાફિયાને કોતર્યો છે, ક્યાં ગઝલ આખી કહી છે?
તેં કરેલા સૌ ખુલાસાઓની આગળ માત્ર મેં તો,
શેર આ સામો ધર્યો છે, ક્યાં ગઝલ આખી કહી છે?
-અંકિત ત્રિવેદી
સ્વર:આલાપ દેસાઈ
સ્વરાંકન :આશિત દેસાઈ