અશરફ ડબાવાલા
Oct 01
ગઝલ Comments Off on અશરફ ડબાવાલા
સવારે સૂર્ય સામે ને પ્રલયની વારતા માંડે,
એ રાતે ફૂલ પાસે જઈ હ્દયની વારતા માંડે.
ઘણા ચાલે સમયસર ને સમયને ફેરવી નાખે;
ઘણાં એ વા ય છે જેઓ સમયની વારતા માંડે.
નથી ને જાણતાં જલ ને કે જલની કોઈ પીડાને,
ઉછાળી કાંકરી તેઓ વલયની વારતા માંડે,
જે તારા હાથના દરિયામાં ઊંડે જઈ નથી શકતા:
કિનારે પગ ઝબોળી એ પ્રણયની વારતા માંડે.
હજી આ યાદનું બાળક સતત રાતેય જાગે છે;
કહો અંધારને કોઈ ઉદયની વારતા માંડે.
– અશરફ ડબાવાલા