ભૂલો પડેલો હું તો પ્રવાસી
Jul 16
ગીત ધ્રુવ ગીત Comments Off on ભૂલો પડેલો હું તો પ્રવાસી
ભૂલો પડેલો હું તો પ્રવાસી
કોક બતાવો સાચી વાટ,
ચાલુ તોયે ધામ ના આવે
વેદના છે અપાર !
કોક બતાવો સાચી વાટ
ધ્રુવનો તારો આભમાં છૂપ્યો
ચારે દિશાએ અંધાર,
ઘોર નિરાશા વ્યાપેલ ઉરે
કાળ ઉઠે છે અવાજ !
કોક બતાવો સાચી વાટ
થાશે મારું શું ? થાશે મારું શું ?
ચિંતા ઉરે છે અગાધ,
ગામ જવાનુંં સુજતુ મને ના
કોણ બતાવે સાચી વાટ,
ચાલુ તોયે ધામ ના આવે
વેદના છે અપાર !
ભૂલો પડેલો હું તો પ્રવાસી…….
-ભૂપેન્દ્ર વકીલ
સ્વર : સત્યેન જગીવાલા
સ્વરાંકન : સુનીલ રેવર
સંગીત : સુનીલ રેવર
વાયોલીન – ઉ. હપુખાન
ગીટાર – રમેશ તેલંગ
તબલા – દુર્ગાપ્રસાદ મહારાણા
આલ્બમ : ઉરમાં ગુંજારવ