રહસ્યોના પડદાઓ ફાડી તો જો
Sep 01
ગઝલ Comments Off on રહસ્યોના પડદાઓ ફાડી તો જો
રહસ્યોના પડદાઓ ફાડી તો જો .mp3
રહસ્યોના પડદાઓ ફાડી તો જો
ખુદા છે કે નહી હાક મારી તો જો
પલાંઠી લગાવીને ના બેસી રહે
તું મુઠ્ઠીઓ વાળીને ભાગી તો જો
હશે તો ઉઠી દોડવા માંડશે
તું પ્રારબ્ધને લાત મારી તો જો
ખબર તો પડે મોતીઓ છે કે નહી
સમુંદરમાં ડુબકી લગાવી તો જો
છે મીઠા કે ખારા સમજ તો પડે
જલન ઝાંઝવાઓને ચાખી તો જો
-જલન માતરી
સ્વર : આશિત દેસાઇ
સ્વરાંકન :આશિત દેસાઇ