ગુજરાતી સાહિત્ય

રાસબિહારી દેસાઈ

Click the link below to download

Suraj Dhundhe Ne Dhundhe.mp3

સૂરજ ઢૂંઢે ને ઢૂંઢે ચાંદાની આંખડી ,
નવલખ તારાનાં ટોળાં ટળવળે રે જી
પૃથ્વીપગથારે ઢૂંઢે ભમતા અવધૂત કોઈ
વિશ્વંભર ભરવા નયણે રે હો જી

મહેરામણ ભૈરવનાદે અલખ પુકારે
મૂંગા ગિરિઓનાં મસ્તક ઊંચે ઝંખતાં રે જી
તલખે પંખી ને પ્રાણી ,સરવર નદીઓનાં પાણી
રાતે ડુંગરિયા દવ નો જંપતા રે હો જી

તરણાની છાયા હેઠે કાયા ઢંકાય તારી,
આભનાં આભૂષણ તોયે ઓછાં પડે રે જી
બ્રહ્માંડ ભરીને પોઢ્યા,કીકીમાં માશો શેણે ?
જોવા તોયે લોચનિયાં ઘેલાં રડે રે હો જી

ગગન ઘેરીને આજે દર્શન વરસો રે વ્હાલા !
ઉરે ઝૂરે રે મારો પ્રાણબપૈયો રે હો જી

– ઉમાશંકર જોશી

સ્વર : રાસબિહારી દેસાઈ

રાસબિહારી દેસાઈની અન્ય રચના માણવા નીચેની Link Click કરો

૧. એવી જ છે ઈચ્છા

૨. હરિ તને શું સ્મરીએ

૩. ગીત ભરેલું ગાલ્લું દોડે

ગાર્ગી વોરા

Click the link below to download

Tagtagti Talvaryo..Varsad Pade chhe.mp3

તગતગતી તલવાર્યું તડફડ આમતેમ વીંઝાય રે સાજણ ધોધમાર વરસાદ પડે છે
ઢાલ ફગાવી, ખખ્તર તોડી, લોક વીંધાયા જાય રે સાજણ ધોધમાર વરસાદ પડે છે

કળીઓ ફરફર ફૂલ ખની ને લહ લહ લહ લહેરાય રે સાજણ ધોધમાર વરસાદ પડે છે
ઝરણાં હફ્ડક નદી ખની ને દરિયામાં ડોકાય રે સાજણ ધોધમાર વરસાદ પડે છે

તદારે તદારે તાની દીર દીર તનનન છાંટે છાંટો ગાય રે સાજણ ધોધમાર વરસાદ પડે છે
ઘેઘેતીટ તાગીતીટ તક્તીર કીટતક પવન તાલમાં વાય રે સાજણ ધોધમાર વરસાદ પડે છે

જળનાં ઘોડાપૂર અમારી આંખ્યુંમાં રુંધાય રે સાજણ રે સાજણ ધોધમાર વરસાદ પડે છે
સેંથો, ચુંદડી, કંગન, કાજળ, લથખથ પલળી જાય રે સાજણ ધોધમાર વરસાદ પડે છે

હું દરિયે દરિયાં ઝંખું ને તું ટીંપે ટીંપે ન્હાય રે સાજણ ધોધમાર વરસાદ પડે છે
હું પગથી માથાલગ ભીજું તું કોરેકોરો હાય, અરે ભરચક ચોમાચા જાય ને મારું અંગ સકળ –
અકળાય રે નફફટ ! ધોધમાર વરસાદ પડે છે

– વિમલ અગ્રાવત

સ્વરાંકન : ડો ભરત પટેલ

સ્વર : ગાર્ગી વોરા

ગાર્ગી વોરાની અન્ય રચના માણવા નીચેની Link Click કરો :

૧. સખી મારો સાહીબો સુતો

૨. હૈયાંને દરબાર

૩. હું તો ગઇતી મેળે

ડો અશરફ ડબાવાલા

Click the link below to download

Sarvaiya Ni Aisi Taisi.mp3

સરવૈયાની  ઐસી  તૈસી,  સરવાળાની  ઐસી   તૈસી,
જીવની સાથે જીવી  લીધું  ધબકારાની  ઐસી    તૈસી.

જીવનના અંતે ઈશ્વર કે   જન્નત   જેવું  હો  કે   ના  હો,
બસ સ્વયંવર  જીતી લીધો, વરમાળાની ઐસી  તૈસી.

શ્વાસોથી   ભીંજાઈ ચાલો  ડૂબીએ  ભીના    સપનામાં,
હોડી   લઈને   ભવસાગરમાં તરનારાની  ઐસી  તૈસી.

ઊંડે મનમાં ઉતરી   તારું રૂપ નિરખશું   બંધ આંખોથી,
પગદંડીઓ,  રસ્તાઓ   ને  અજવાળાની   ઐસી તૈસી.

– ડો અશરફ ડબાવાલા

સ્વર : ડો પાર્થ ઓઝા

ગૌરાંગ ઠાકર
 

Zad Pahela Chheday Chhe.mp3

ઝાડ    પહેલાં  મૂળથી  છેદાય  છે,
એ  પછીથી  બારણું  થઇ  જાય  છે.

આ  ગગનચુંબી   ઘરો  સર્જાય  છે,
આભ  તો  પંખીનું  ઓછું  થાય  છે.

એમને  તું   કેમ    છત્રી     મોકલે ?
જે  અહીંયા   જાણીને   ભીંજાય  છે.

સ્વપ્ન  જેવું  હોય  શું  એ  બાળને?
ડાળે   જેનું    ઘોડિયું     બંધાય   છે.

આજ  ઈચ્છાનાં  હરણ   હાંફો  નહીં,
ખૂબ  પાસે   જળ   સમું   દેખાય  છે

કોઈને  પથ્થર  હૃદય  કહેશો  નહીં,
આંસુ  પથ્થરનાં  ઝરણ કહેવાય છે.

એકલા  આવ્યા   જવાનાં   એકલા
પણ અહીં કયાં એકલા જીવાય છે ?

– ગૌરાંગ ઠાકર

સ્વરાંકન : ડો ભરત પટેલ

સ્વર : સોહેલ બલોચ

કૌમુદી મુનશી

Click the link below to download

Choryasi Rang No Sathiyo.mp3

ચોર્યાંસી ભાતનો સાથિયો રે માંડ્યો
કે લાલ રંગ ખૂટ્યો સાહેલડી જી રે
અડધી ભાતે રે મારો સાહ્યબો રિસાયો
કે હાય સંગ છૂટ્યો સાહેલડી જી રે

મેઘધનુ રંગની ભાત વચ્ચોવચ્ચ
કોઈ અજબ રંગ સાંપડ્યો જી રે
જાતાં પડ્યોતો પગ વાલમના આંગણિયે
લોક કહે સાથિયો બગડ્યો જી રે
પથ પથરાઈ મારો જીવડો પુકાર્યો
કે પિયુ કેમ રૂઠ્યો સાહેલડી જી રે
ચોર્યાંસી ભાતનો…..

કોઈ જાણભેદુને પાછળ દોડાવ્યો
કે આવ્યો સંદેશ લઈ સોગિયો જી રે
પરદેશ જઈ વ્હાલે રંગ મોકલાવ્યો
તે લાલ નહિ નીકળ્યો જોગિયો જી રે
અંગે અંગે તે મારે રોમ રોમ લાગ્યો
કે આગ થઈ ફૂટીયો સાહેલડી જી રે
ચોર્યાંસી ભાતનો…..

સ્વર : કૌમુદી મુનશી

સ્વરાંકન : નીનુ મઝુમદાર

કૌમુદીબેનના બીજી રચનાઓ માણવા નીચેની Link Click કરો

કૌમીદીબેનની રચનાઓ