ગુજરાતી સાહિત્ય

જીવન જ્યારે સુકાય ત્યારે
કરૂણાધારે આવો
સકળ માધુરી છુપાય ત્યારે
ગીતસુધારસે આવો

કર્મ પ્રબળ આકારે જ્યારે
ગાજે,ઘેરે ચારે કોરથી ત્યારે
હૃદયપ્રાંગણે હે જીવનનાથ!
શાંત ચરણે આવો

દીન બની મન મારું જ્યારે
ખૂણે પડી રહે થાકીને ત્યારે
દ્વાર ખોલી હે ઉદાર નાથ!
વાજન્તે ગાજન્તે આવો

વાસના ધૂળ ઊડાડીને જ્યારે
અંધ કરે આ અબોધને ત્યારે
હે પવિત્ર, હે અનિંદ્ર, રુદ્ર તેજે આવો!

-રવીન્દ્રનાથ ટાગોર

સ્વર : ગાર્ગી વોરા
સ્વરાંકન : અમર ભટ્ટ

સૌજન્ય : ભારતીય વિદ્યા ભવન