સ્હેજ ઉભી તી તરુવરની છાયા માં
Feb 24
ગીત Comments Off on સ્હેજ ઉભી તી તરુવરની છાયા માં
સ્હેજ ઉભી તી તરુવરની છાયા માં
ને બાઈ હું તો લીલીછમ લીલીછમ થૈ
પાંદડાઓ ટીકી ટીકી જોયા કરે
મને પડતી કશીય ગમનૈ
મેં તો તડકા ઉલેચ્યા ખોબે ખોબે
ને થયો કાયાનો સોનેરી રંગ,
હેબતાઈ જઇહું તો ફૂલ માં છુપાઈ
મારે રોમ રોમ ફૂટી સુગંધ;
ટેરવે ઝીલીને એક ટીપું પીધું
ને બાઈ હું તો ભીનીછમ ભીનીછમ થૈ
નેજવું કરી ને જરી જોયું આઘે
ત્યાં છાતી ના મોર બધા ગંહેક્યા
શરમાઈ જઈમેં તો શમણાં ઓઢયાં
ને ભીતરમાં અરમાન કઈ બહેકયા
કમખેથી ગાંઠનાં ઊડયાં કબૂતર
ને બાઈહું તો ખાલીખમ ખાલીખમ થૈ
મને પડતી કશીય ગમ નૈ
-નીતિન મહેતા
સ્વર: વિભા દેસાઈ
સ્વરાંકન: ક્ષેમુ દિવેટિયા
શબ્દસૌરભ: તુષાર શુક્લ